Лапорта: Второто место ќе биде дополнителна мотивација за Јамал

Претседателот на Барселона, Жоан Лапорта, го коментираше фактот дека Ламине Јамал не ја освои Златната топка.

18-годишниот крилен напаѓач на „Каталонците“ го освои второто место во гласањето. Наградата за најдобар фудбалер за изминатата сезона ја освои Усман Дембеле од Пари Сен Жермен.

„Ова второ место ќе му даде мотивација на Ламине за наредните години. Сигурен сум дека тој ќе ја освои Златната топка“, рече претседателот на Барселона.

„Ја сакавме оваа награда, но бидејќи не ја освоивме, си заминуваме со гордост што бевме номинирани заедно со најдобрите“, додаде Лапорта.