Од ВМРО-ДПМНЕ Пробиштип реагираат на, како што велат, директно користење на државни ресурси во полза на СДС. Според соопштението, во текот на работното време и со државни возила, вработени од општината учествувале во снимање партиски спотови на СДС и Драган Анастасов – Ладич.
„Сигурно и со општински пари?! А најиронично од се – сето ова се случува додека е во тек наставно-воспитниот процес и децата се на училиште,“ велат од ВМРО-ДПМНЕ Пробиштип.
Тие додаваат дека користењето на службени возила и државни ресурси за партиски цели ја доведува во прашање транспарентноста, одговорноста и ветените европски вредности на актуелната власт.
„Одвојување на партијата од државата? Да, ама на државните ресурси, директно во корист на СДСМ и Ладич,“ истакнуваат од партијата, нагласувајќи дека ваквите практики се спротивни на европските стандарди.
