Патник носел човечки останки во багажот- цариниците не можеле да поверуваат за што му служеле коските

Бизарниот инцидент се случил за време на рутинска проверка, кога патникот пријавил 10 цигари, но се покажало дека носи многу повеќе.

Човечки остатоци во фолија

Цариниците прво пронашле забранети растенија, повеќе цигари, а потоа и чуден пакет завиткан во алуминиумска фолија.

Кога беше замолен да објасни што носи, патникот отворено рече дека станува збор за „човечки остатоци наменети за ритуали“.

Царинските службеници веднаш „запленија и уништија сè поради сериозни здравствени ризици“, се вели во соопштението.

Каде патувал?

Сè уште не е познато дали патникот бил приведен по проверката или дали ги доставил соодветните документи за потеклото на бизарните предмети, објавува „Дејли меил“.

Исто така, не е познато зошто носел човечки остатоци или каде патувал, а случајот е префрлен во надлежност на Министерството за внатрешна безбедност на САД.

Истрагата е во тек.