Денеска имав чест да присуствувам на отворањето на конференцијата на Асоцијацијата на алумни на Националната академија на ФБИ (FBINAA), организирана од Министерството за внатрешни работи, во партнерство со Федералното биро за истраги на САД (FBI) и Канцеларијата на аташе на ФБИ при Амбасадата на САД во Софија, напиша на Фејсбук директорот на АНБ, Бојан Христовски.
Конференцијата претставува одлична можност за продлабочување на соработката и размена на искуства меѓу професионалците од областа на безбедноста, како и потврда за нашата заедничка заложба во справувањето со современите безбедносни предизвици. Особено ми е драго што бев дел од овој настан кој ги обединува професионалците со иста цел – градење на побезбедна иднина, истакна Христовски.
Извор: kurir.mk
