Јеменското бунтовничко движење Хути започна напад со хиперсоничен балистички ракети врз неколку цели во Тел Авив. Портпаролот на Хутите, Јахја Сарија, изјави дека операцијата била успешна, при што израелската војска соборила една од ракетите. Нема непосредни извештаи за повредени или штети.
Воениот портпарол на Хутите, Јахја Сарија, изјави дека тие користеле ракета Палестина-2 со повеќе боеви глави, која погодила неколку ранливи цели во регионот на Тел Авив, и дека операцијата била успешна.
„Ракетните сили на јеменските вооружени сили спроведоа воена операција, користејќи хиперсонична балистичка ракета „Палестина-2“ со повеќе боеви глави, која погодила неколку ранливи цели во окупираниот регион на Тел Авив. Операцијата успешно ги постигнала своите цели“, изјави претставник на движењето на телевизискиот канал Ал-Масира, во сопственост на Хутите.
Израелската војска (ИДФ) објави дека успешно соборила балистичка ракета испукана од јеменските бунтовници Хути во текот на ноќта.
Сирени се огласија во Тел Авив и други населени места низ централен Израел поради воздушниот напад, објави „Тајмс оф Израел“.
Нема непосредни извештаи за повредени или материјална штета во нападот, објави израелскиот портал.
Извор: tv21
