Собранието денеска го усвои Законот за контрола на индустриски емисии, со кој индустриските капацитети во земјава ќе мора да работат според најдобрите достапни техники (НДТ), како дел од усогласувањето со европските еколошки стандарди.
Со законот се воведуваат построги услови за работа, намалување на дозволените емисии, како и задолжителен мониторинг на загадувањето преку акредитирани лаборатории.
Законот ќе значи почист воздух, вода и почва, помало создавање отпад и подобра заштита на здравјето.
Клучни придобивки од законот:
– Почиста животна средина и подобро здравје за граѓаните
– Обврзувачки еколошки стандарди за индустријата
– Јасен принцип „загадувачот плаќа“
– Транспарентност и вклучување на јавноста во процесите
– Ефикасна инспекциска контрола и санкции за непочитување
Законот е подготвен со поддршка од Европската Унија и претставува значаен чекор кон подобро управување со индустриското загадување и приближување до европските еколошки политики.
Извор: kurir.mk
