ВЛЕН преку соопштение обвини дека ДУИ со своето политичко дејствување ја попречила европската перспектива на земјата, додека во исто време дала поддршка на концептот на т.н. „српски свет“.
Од движењето потсетуваат дека токму ДУИ била таа што го одржала Никола Груевски на власт цела една деценија, обезбедувајќи му кворум и политичка поддршка во најкритичните моменти за неговиот режим.
„Бујар Османи лично реализирал 11 средби со српската државна власт, а ниту еднаш со Косово. Ако некој ги отвори вратите за ’српскиот свет‘, тоа беше ДУИ,“ наведуваат од ВЛЕН.
Во реакцијата се посочува и дека токму ДУИ гласала за Законот за амнестија со кој биле ослободени од одговорност Сашо Мијалков и неговата структура, како и дека министри од оваа партија дозволиле влез на српскиот оператор М-ТЕЛ и издавање лиценци за казина од Србија.
„ДУИ не само што го врати државата назад и ги запостави Албанците, туку директно работеше за остварување на целите на оската Груевски–Вучиќ,“ се наведува во соопштението.
ВЛЕН порача дека сите обиди на ДУИ да го прикаже ова движење како проблем за Европа се „обид за прикривање на сопствената хипокризија и долгата историја на пазарења со антиевропски и антиалбански сили“.
