Откако земала ибупрофен за менструални болки, 32-годишната Жаклин Гмак од Бразил доживеала екстремна реакција која целосно ѝ го променила животот.
Нејзиното тело реагирало на популарниот лек со реткиот Стивенс-Џонсонов синдром, кој предизвикувал плускавци на кожата, а воедно ја терало да се чувствува како да гори одвнатре.
Поради сето ова, таа поминала 17 дена во индуцирана кома, а лекарите се обиделе да ѝ го спасат видот со дури 26 операции. На крајот од нејзината агонија, видот на десното око на оваа млада жена бил неповратно изгубен, а на левото око бил многу ограничен.
Ми требаше малку време да сфатам што се случило, доживував длабока тага – рекла Жаклин, која повеќе не може да ги препознава лицата околу себе ниту да оди сама бидејќи не може да гледа скали или пречки.
Оштетувањето на рожницата барало две трансплантации; а во друга, лекарите морале да ѝ ги зашијат очните капаци за да ги заштитат очите од понатамошно оштетување.
– Бев скршена, но знаев дека тоа е единствената опција – признала 32-годишната девојка.
Откако беа отстранети конците, лекарите ѝ ја соопштија ужасната вест: нејзиното десно око неповратно го изгубило видот, а левото останало само делумно функционално.
Извор: vecer.mk
