По свеченото откривање на споменикот на македонскиот војвода Александар Турунџев кај Ат-Пазар во Битола, емоциите не стивнуваат. Внуката на војводата, Сузана Туринџева, преку објава на социјалните мрежи ја сподели својата радост и гордост за овој историски момент.
„Стануваш од спиење и се прашуваш дали она вчеравечер беше сон или реалност? Погледнуваш низ прозорец, го гледаш дека е тука и си велиш: Не, не било сон. Тука е, Турунџе е тука! Конечно!“, напиша таа.
Туринџева опиша дека споменикот на нејзиниот прадедо не е само дел од колективното историско наследство, туку и дел од личната семејна приказна. „Одсега нашиот стан нема само материјална и емотивна вредност. Одсега има и историска вредност! Фала ти животе“, додаде таа.
По поставувањето, граѓаните непрекинато доаѓаат, му се поклонуваат и се фотографираат со споменикот на еден од истакнатите револуционери од македонската историја.
