Секако дека ако имаше дебата во изминатите 15 години, па и повеќе околу тоа кој од Лео Меси или Кристијано Роналдо е подобар, иако за оние кои вистински се разбираат во фудбалот нема дилеми, сега се наметнува друга дебата.
А таа е дали Ламине Јамал, мега – ѕвездата на Барселона и селекцијата на Шпанија е легитимен наследник на Меси и дали е подобар во таа возраст. Само да потсетиме дека Јамал пред месец и половина наполни 18 години.
Во таа дебата се вклучи и славниот аргентински стратег Марсело Биелса, кој сега е селектор на Уругвај а пред неколку години му беше тренер и на нашиот Џани Алиоски во Лидс.
Еве што кажа Биелса за медиумите во Шпанија:
„Ламине Јамал прави исто како Лео Меси, не е важно дали има двајца или десет играчи пред него. Човекот ја решава офанзивната игра без оглед на каква било анализа. Тој го подобрува својот тим затоа што ги елиминира противниците сам, без ничија помош. За разлика од нив двајца, еве на пример на Килијан Мбапе или Кристијано Роналдо им се потребни плејмејкери, но на Меси и Јамал не им треба помош. Тие дриблаат покрај сите.“истакна Марсело Биелса.
Извор: vecer.mk
