Кандидатот за градоначалник на Град Скопје, Орце Ѓорѓиевски, оствари средба со претседателот на Асоцијацијата на авто-такси превозници од Скопје, Абдула Рушити, како и со други претставници на асоцијацијата.
На средбата беа разгледани проблемите и предизвиците со кои се соочуваат такси возачите, а од дискусијата произлегоа конструктивни и применливи предлози кои ќе бидат дел од програмата на Ѓорѓиевски.
Меѓу клучните барања се уредени, брендирани и унифицирани такси-стојалишта, справување со дивите таксисти и создавање фер услови за работа. Ѓорѓиевски истакна дека по победата на локалните избори, такси возачите ќе имаат партнер во решавањето на овие прашања, со цел Скопје да стане град каде секој граѓанин и возач се чувствува ценето, безбедно и рамноправно.
