Градоначалникот на Општина Бутел, Дарко Костовски, кој повторно се кандидира за нов мандат на чело на општината, соопшти дека во општинското основно училиште „Лиман Каба“ е поставен нов ламинат во училниците. Ова е само продолжение на бројните проекти реализирани во изминатите години за подобрување на условите во образованието во Бутел.
„Во ова училиште веќе е направена нова фасада, за прв пат по 30 години е уреден и дворот, поставени се нови врати и целосно се реконструирани тоалетите. Покрај тоа, ‘Лиман Каба’ беше едно од првите училишта во општината кое доби кабинет по информатика и интерактивни табли, со што се внесе модерната технологија во наставниот процес,“ изјави Костовски.
Костовски исто така потенцираше дека инвестициите во образованието остануваат негов приоритет и приоритет на Општина Бутел.
„Продолжуваме да создаваме подобри услови за нашите ученици и наставници, затоа што иднината се гради единствено преку квалитетно образование,“ изјави Костовски.
Со овие инвестиции, според Дарко Костовски, се докажува дека грижата за училиштата и за децата на Бутел не е само ветување, туку реалност што го менува секојдневниот живот на стотици семејства.
