Борусија Дортмунд одигра само 3:3 на гостувањето кај Сент Паули во првото коло од Бундеслигата. Иако гостите имаа предност од 1:3 се до 86. минута, на крајот еден потег им ја зеде победата.
Во 34-тата минута, напаѓачот на гостите Гираси го отвори резултатот. Во 39-тата минута промаши и пенал, а во 50-тата минута, Унтондџи постигна гол за 1:1.
Во 67-тата минута, дефанзивецот на гостите Валдемар Антон ја доведе Борусија во водство. Во 74-тата минута, играчот од средниот ред Јулијан Брант го постигна третиот гол за својот тим, но потоа во 85-тата минута, гостинскиот дефанзивец Филипо Мане доби директен црвен картон, а тоа како да ги пресече „милионерите“.
Сент Паули се охрабри, нападна и за само 4 минути израмни. Данел Синани во 86. минута постигна гол од пенал за 2:3, а во 89-тата минута, Ерик Смит го израмни резултатот.
Извор: vecer.mk
