Настан Саем-Отчет под мотото „4 години работа за тебе“ ќе се одржи викендов (23-24.08.2025), во просториите на хотел Холидеј Ин, Скопје.
Саемот во сабота започнува во 11:00 часот, по што обраќање со цел отворање на настанот ќе има претседателот на ВМРО-ДПМНЕ, Христијан Мицкоски со свое обраќање во 11:20 часот.
Во останатиот дел од денот ќе се одржат панел-дискусии со градоначалниците, поделени по региони, воедно секоја општина ќе има и штанд на кој присутните ќе можат да ги разгледаат отчетите на градоначалниците и одблиску да се запознаат со нивната работа.
Вториот ден од Саемот, настанот започнува во 10:00 часот, при што ќе се одржат низа панел-дискусии меѓу кои панел-дискусии за 4 години развој и прогрес, инфраструктурни инвестиции, вклученоста на граѓаните во носењето на одлуки и меѓународна соработка, како и панел дискусија на која ќе се направи осврт на соработката помеѓу локалната и централната власт, на која ќе се обрати и Христијан Мицкоски.
Настанот може да го проследите и на јутјуб и фејсбук каналот на ВМРО-ДПМНЕ.
Извор: kurir.mk
