Претседателот на Фудбалската федерација на Македонија, Масар Омерагиќ, упати честитки до репрезентацијата на Македонија до 16 години за двете убедливи победи против Црна Гора, со резултати 5:0 и 3:0.
„Оваа генерација покажа храброст и победнички менталитет. Вака се гради иднината! Без еуфорија, се разбира. Фудбалот носи и победи и порази. Најважно е сите заедно да продолжиме да работиме, да растеме и чекор по чекор да градиме резултати“, истакна Омерагиќ.
Од ФФМ потенцираат дека ваквите резултати се доказ за квалитетната работа со младинските категории и поттик за уште посилен развој на идните генерации фудбалери.
