Фудбалерите на Ливерпул извојуваа победа од 4-2 на стартот од Премиер лигата, но натпреварот на „Енфилд роуд“ беше полн со емоции, со оглед на тоа што ова беше првиот официјален натпревар на Ливерпул во својот дом по трагичната смрт на Диого Жота.
По натпреварот, играчите на Ливерпул се собраа пред навивачите, кои пееја песна посветена на Жота. Еден од оние кои беа најпогодени беше Мохамед Салах. Ѕвездата на Ливерпул стоеше на теренот во солзи и им аплаудираше на навивачите, а токму тој последен го напушти теренот.
Жота и Салах играа заедно во Ливерпул пет години и беа добри пријатели. Салах, исто така, го прослави својот гол против Борнмут на ист начин како што Жота ги прославуваше головите.
Извор: kurir.mk
