Руски борбен авион Су-30СМ се урна во близина на Змискиот остров. Остатоците се пронајдени, но по пилотите се уште се трага. Украинската разузнавачка служба наведува дека контактот е изгубен во средината на мисијата од непознати причини, пишува „Киев пост“. Според соопштението на украинската морнарица, контактот помеѓу авионот и пилотот е изгубен за време на летот во близина на Змискиот остров.
Змискиот остров, кој неодамна го посети генерал-потполковник Кирило Буданов, началник на Главната дирекција за разузнавање на Министерството за одбрана на Украина (ХУР), е едно од клучните места ослободени од руската окупација за време на успешните украински операции.
Разузнавачката служба на украинската морнарица објави на Телеграм дека пресретнала руски радиокомуникации во кои се споменува губење на контакт со Су-30СМ за време на мисија југоисточно од Змискиот остров.
„Авионот се урнал од непознати причини“, се вели во извештајот.
Руските сили започнаа операција за пребарување и спасување. Остатоците од авионот беа пронајдени во морето, но пилотите не беа пронајдени.
Су-300М е повеќенаменски ловец од генерација 4+ развиен од руската корпорација Иркут. Може да носи 8000 килограми оружје, наведувани ракети и бомби и вооружен со автомотски топ ГШ-30-1 од 30 мм.
Има можност за полнење гориво во воздух, постигнува максимална брзина од 2.125 км/ч, максимална висина од 17.300 метри и има борен радиус од 1500 килемтри. Според истражувачката група „ИнформНапалм“ Русија моментално има 130 такви авиони, а секој од нив се проценува дека чини околу 50 милиони долари.
ИЗВОР: ТВ 21
