Функционерот на ВЛЕН, Бурим Љатифи, остро го критикуваше кандидатот на опозициската ДУИ за градоначалник на Чаир, Бујар Османи, оценувајќи го како неискусен и без конкретен придонес за општината. Реакцијата на Латифи уследи по видео на Османи во кое тој криткуваше дел од паркот во Чаир.
„Ова видео покажува колку Османи е денес неискусен и колку малку се интересирал за Чаир во минатото“, истакна Латифи, додавајќи дека паркот не е во надлежност на општината Чаир, туку на Градот Скопје, кој го контролира ДУИ преку Данела и Левица. Според него, токму тие ја оставиле просторијата во лоша состојба и ја блокирале реализацијата на проектот што општината го подготвила за подобрување на паркот.
Латифи истакна дека Османи нема основно познавање на надлежностите и одговорностите на институцијата која сака да ја води, и затоа не може да биде решение за Чаир. Тој иронично ја коментираше и гордоста на Османи за функциите што ги имал во владата.
„Граѓаните не треба да слушаат за позициите што ги имал, туку што направил за Чаир. За жал, твојот придонес е НУЛА!“, нагласи Латифи.
Според него, иако Османи бил координатор за IPA фондовите во периодот 2017-2020, тој не донел ниту еден проект во албанските општини, вклучително и во Чаир. Латифи подвлече дека Османи не размислувал за проекти за спортски сали, соларни панели или инфраструктура, и дека е човек на позиции, а не на дела.
