Во основното училиште „Кочо Рацин“ во Центар, Скопје, заврши комплетната реконструкција на мултифункционалното игралиште, кошаркарското игралиште и поставувањето на нови фитнес справи на отворено.
Министерот за спорт, Борко Ристовски, истакна дека во овој проект се инвестирани 4,6 милиони денари, како одговор на барањата на жителите на Центар.
Мултифункционалното игралиште е целосно обновено за фудбал, одбојка и ракомет, кошаркарското игралиште доби нови обележувања и опрема, а младите добија и современи фитнес справи за тренинг на отворено.
Ристовски нагласи дека ваквите инвестиции се насочени кон поттикнување на спортот и активниот животен стил кај младите.
