Воведувањето на ВАР системот во фудбалските натпреварувања, станува реалност во Македонија.
Ветувањето кое го даде претседателот на ФФМ, Масар Омерагиќ по стапувањето на позицијата прв човек во Куќата на фудбалот, се реализира.
Утре во ФФМ ќе бидат претставени новите простории на ВАР системот.
-Претставници на ФФМ и Комисијата за судии ќе ги презентираат техничките и оперативни капацитети на новите ВАР простории, кои од сезоната 2025/26 ќе бидат целосно функционални за натпреварите од Прва МФЛ, најавуваат од Куќата на фудбалот.
Според најавите, ВАР ќе биде во функција веќе во петок, 8 август, кога започнува и новата сезона во Првата македонска фудбалска лига.
Во Тетово, Шкендија и Шкупи 1927 од 17:00 часот ќе ги одмерат силите во една од дерби пресметките од воведното коло во Прва МФЛ.
Само неколку часа подоцна, во Скопје, Вардар и Пелистер, вечните ривали, ќе се сретнат на Националната арена „Тодор Проески“. Почетокот е закажан за 20:00 часот.
РАСПОРЕД – 1. КОЛО (2025/26):
петок, 8. август
Шкендија – Шкупи 1927 | 17:00 | градски стадион, Тетово
Вардар – Пелистер | 20:00 | Национална арена „Тодор Проески“, Скопје
сабота, 9. август
Башкими 1947 – Аресими 1973 | 17:30 | стадион Башкими, Куманово
Струга Трим Лум – Македонија ЃП 1932 | 17:30 | Стадион Караорман, Струга
недела, 10. август
Тиквеш 1930 – Работнички | 17:30 | градски стадион, Кавадарци
понеделник, 11. август
Силекс – АП Брера Струмица | 17:30 | стадион Силекс, Кратово
Извор: kurir.mk
