Фудбалерите на Челзи стекнаа огромна финансиска добивка со освојувањето на Светското клупско првенство. Англискиот гигант во финалето го декласира Пари Сен Жермен со 3-0 и го освои вториот трофеј во 2025 година, по триумфот во Конференциската лига во мај. Погодоците за тимот од „Стемфорд Бриџ“ ги постигнаа Палмер во 22. и 30. минута, како и Педро во 43. минута.
Со триумфот на Мундијалот, Челзи инкасираше вртоглава сума. Клубот заработи меѓу 114,6 милиони долари како победник на турнирот. Поразениот во финалето ПСЖ доби одлична утешна награда, бидејќи заработи 106,9 милиони.
Заработката е една од највисоките во историјата на клупскиот фудбал и може да се спореди со сумите што ги добиваат освојувачите на Лигата на шампионите.
На третата позиција според заработката е Реал Мадрид со 82,5 милиони долари, додека четвртопласиран е Флуминенсе со 60,8.
Извор: kurir.mk
