И покрај повикот на Трамп, Израел изврши воздушни напади врз Иран по прекинот на огнот

ИСТАНБУЛ (АА) – Израелските борбени авиони започнаа нова рунда воздушни напади во Иран по прекинот на огнот денес и покрај повикот на американскиот претседател Доналд Трамп до Тел Авив да не го напаѓа Техеран, јавува Анадолу.

Борбените авиони погодија радарска инсталација во близина на главниот град Техеран, објави израелскиот јавен радиодифузен сервис КАН.

Иранската новинска агенција Мехр ги потврди израелските воздушни напади во Баболсар, крајбрежен град во северната иранска покраина Мазандаран.

Државната телевизија „Прес ТВ“, исто така, објави дека две експлозии се слушнале северно од Техеран по израелските воздушни напади.

Нападите се случија и покрај повикот на Трамп до Израел да се воздржи од воздушни напади врз Техеран, откако израелската Армија презеде одговорност за ракетниот напад врз Иран по прекинот на огнот што стапи на сила меѓу двете страни рано утринава.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.