Африм Гаши, претседателот на Собранието денеска кажа дека мнозинството е стабилно, и дека Владата и натаму ќе работи со полн капацитет.
„Стабилно е мнозинството. Нема дилема дали имаме мнозинство, станува збор за премин на една од политичките партии во опозиција, но гледате дека пратеници остануваат дел од ВЛЕН. Мислам дека Владата и мнозинството во Парламентот ќе работат со полн капацитет“, рече Гаши.
На прашање кој ќе биде новиот министер за здравство, Гаши одговори дека премиерот прво треба да го предложи, потоа предлогот да биде ставен на дневен ред и да биде доставен до сите пратеници.
„Предлогот доаѓа од Владата. Премиерот треба да предложи нов министер, и кога ќе стигне во Собрание, ќе стигне до дневен ред и ќе биде доставен до сите пратеници, и ќе го ставиме на првата наредна средниа“, вели Гаши.
ИЗВОР: ТВ 21
