Системската корупција во Министерството за внатрешни работи под водство на Панче Тошковски достигна нови димензии, со скандалозен тендер вреден речиси 4 милиони евра, кој е доделен на компании без никакви релевантни капацитети и искуство.
Фирмата „Ле Бранд Дизајн“ од Битола, која има само двајца вработени и просечен годишен приход од околу 20.000 евра, доби тендер вреден над 2 милиони евра за шиење специјални полициски униформи. Истовремено, фирмата „Памитекс Тим“, основана само 20 дена пред распишувањето на тендерот и без претходна историја на јавни набавки, доби договор од 1.710.000 евра.
Министерството под управата на Тошковски ги отстрани сите критериуми кои би овозможиле транспарентна и правична конкуренција, вклучително и услови за претходно искуство и проверка на реални капацитети.
Од СДСМ повикуваат на итна интервенција од Јавното обвинителство за истрага за злоупотреба на службена положба, местење тендер и можно перење пари, како и поништување на тендерот и распишување нова, транспарентна постапка.
ИЗВОР: racin.mk
