Во Куманово, тимот на емисијата „И јас сум тука” се сретна со Трајче Василев – човек кој поминал многу тешкотии, но сè уште се бори за да им обезбеди подобар живот на своите деца. Трајче раскажува за својот тежок живот, од детството како дете без родители до обидот да создаде дом за своето семејство. Тој и неговата сопруга поминале многу години на улица, често во напуштени куќи, каде што им се родило нивното прво дете.
По краток престој во Германија, каде што се родила втората ќерка, семејството Василев се врати во Куманово и изгради скромен дом во населбата „Бабин Дол“. Меѓутоа, нивната желба за дом е во опасност, бидејќи земјата на која го изградиле домот е под хипотека и не може да се пренесе на нивно име, без разлика на склучениот купопродажен договор на нотар. Тие живеат со само 9.200 денари месечно, се невработени и се соочуваат со здравствени проблеми, барајќи можност да обезбедат подобра иднина за своите деца.
Сите кои имаат можност да помогнат, било финансиски за исплата на долгот, било со храна, облека или хигиенски производи – можат да го направат тоа на телефонскиот број или на банкарската сметка кои се прикажани на екранот.
- Контакт број: 075 432 612
- Стефани Василевска
- Уни Банк
- 240147107573075
- Цел на дознака: Донации
ИЗВОР: ТВ 21
