Работниците на АД „Водостопанство“ – Скопје, изразуваат револт кон институцијата каде што работат. Тие велат дека работат за минимални плати и дека од актуелното раководство им го менува работните места, испраќајќи ги на локации како Кочани и Свети Николе.
Работниците потенцираат дека овие проблеми почнале од кога дојде новиот директор како раководител на институцијата.
„Раководството на претпријатието донесе одлука да нѐ прераспредели од регионалниот центар во Скопје, во други градови како Кочани и Свети Николе. Исто така, да го намали бројот на работни места. Оваа одлука е донесена еднострано, без најава и без почитување на законските процедури. Ние сме на овие работни места повеќе од две години, со регуларна и правосилна валидна одлука“, вели Орхан Муќа.
Друг вработен вели дека за да одат до тие далечни работни места, нема да им стигнува платата ниту за патни трошоци.
„Имам мала плата, сакаат да ме пратат да одам во Кочани, Брегалница. А платата ми е мала, не ми даваат ниту услови ниту ништо за да одам таму. Со свои средства треба да одам, а платата ми е минимална“, вели Елфат Алиу.
„Веќе една година откако дојде новиот директор, секојдневно сме под притисоци да дадеме отказ. Првиот чекор беше што не ставија 10 луѓе во една мала канцеларија, и не обвинуваат дека не работиме, а ние немавме услови за работа. Јасно се гледа дека секој ден се врши ‘чистка’ за да се ослободат места за нови вработувања“, вели Рамадан Беќа.
За овие маки на работниците, ТВ21 се обрати до АД „Водостопанство“. Од таму ја добивме следнава изјава:
„Не сме во можност да доставиме известување од АД Водостопанство за посочениот предметен случај во моментов бидејќи е неработен ден. Ви благодариме на разбирањето“.
Во телефонски разговор со директорот Филип Филиповски, ни беше кажано дека овие поплаки не се вистинити и дека тоа ќе го докаже во понеделник.
ИЗВОР: ТВ 21
