СКОПЈЕ (АА) – Палестинците во Појасот Газа се принудени да прибегнат кон алтернативни методи за добивање гориво, преработувајќи отпадна пластика со хемикалии, поради сериозните тешкотии во снабдувањето со гас и гориво за возилата, јавува Анадолу.
Од 2 март израелските власти целосно ги затворија граничните премини кон Газа, а тоа доведе до хроничен недостиг на гориво што е потребно за секојдневно функционирање на населението.
Жителите на Газа, особено младите, почнаа да собираат отпадна пластика и преку импровизирани процеси, користејќи различни хемиски супстанции, произведуваат гориво што го користат за моторните возила и за домашните потреби.
Меѓутоа, во процесот на преработка на пластиката се испуштаат токсични гасови што сериозно ги загрозуваат здравјето на луѓето и животната средина.
Извор: Anadolu Agency (AA)
