Три лица од кривопаланечкото село Конопница вчера физички нападнале а потоа и турнале од тераса 26 годишно момче.
А.С. се здобил со повреди, а од Секторот за внатрешни работи во Куманово информираат дека настанот се случил вчеравечер, 35 минути пред полноќ.
„На 20 април 2025 во 23 часот и 25 минути полициски службеници од Одделението за внатрешни работи Крива Паланка ги лишиле од слобода дваесет и шестгодишните Ј.А. и Н.К. како и Е.А., дваесет и петгодишен, сите од село Конопница, кривопаланечко. Лицата се лишени од слобода затоа што во Крива Паланка физички го нападнале и го турнале од тераса дваесет и шестгодишниот жител на истото село А.С. кој се здобил со повреди“, изјави портпаролот на СВР Куманово, Ивана Младеновска.
Лицата се приведени и по целосно документирање на случајот, против нив ќе биде поднесена соодветна пријава.
ИЗВОР: ТВ 21
