Сирискиот претседател Ал Шара на маргините на Форумот во Анталија оствари средба со лидери од светот

Сирискиот претседател Ахмед ал-Шара денес одржа серија состаноци со светските лидери и највисоки претставници на маргините на 4. Форум за дипломатија во Анталија, Туркије, пренесува Анадолу.

Според соопштението на сириското Претседателство, Ал Шара имал одвоени средби со азербејџанскиот претседател Илхам Алиев и со косовската претседателка Вјоса Османи-Садриу.

Сирискиот претседател, заедно со неговиот министер за надворешни работи, Асад ал-Шаибани, се сретна и со катарскиот премиер Шеик Мухамед бин Абдулрахман ал-Тани.

Во соопштението не се наведени детали за содржината на средбите.

Тридневниот форум, што започна денес во турскиот туристички град Анталија, е фокусиран на темата „Враќање на дипломатијата во фрагментиран свет“.

Настанот ги обединува глобалните лидери, креатори на политики и експертите со цел справување со критичните глобални предизвици, како геополитичките тензии, нееднаквоста, насилството и климатските промени, воедно истражувајќи начини преку кои дипломатијата може да се врати стабилноста и да се поттикне меѓународната соработка.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.