Од СДСМ продолжуваат со обвинувањата дека премиерот Христијан Мицкоски редовно пушта проекти на СДСМ. Оттаму велат дека Мицкоски не може да се помири со туѓите успеси, па затоа по втор пат неделава се кити со туѓи перја.
„Откако пред два дена ја најави, денеска се фали со пуштање во употреба на канадската компанија „Магна Мехатроникс“, претставувајќи ја како негова придобивка и како „нова странска инвестиција“. ДПМНЕ и Мицкоски треба да знаат дека информациите за оваа компанија се јавно достапни, а и граѓаните памтат. Штипјани знаат дека оваа фабрика беше најавена уште во мај 2023 година од тогашниот премиер Димитар Ковачевски и Владата на СДСМ“, велат во СДСМ.
Од таму директно му е обратија:
‘Премиере Мицкоски не ви доликува на функцијата да се фалите дека и оваа странска инвестиција е резултат на вашите политики’.
„Оваа канадска компанија е резултат на позитивните економски политики што ги водеше Владата на СДСМ и кои резултираа со подобрување на бизнис климата, отворање на нови странски инвестиции и нови работни места. Ова не е ништо друго освен потврда на неспособност и безидејноста на ВМРО-ДПМНЕ за водење економски политики и привлекување на странски иневстиции. Речиси една година Владата на Мицкоски нема донесено ниту една значајна странска инвестиција, а економијата стагнира. Единственото што ВМРО-ДПМНЕ го прави е сечење ленти на веќе реализирани проекти од претходната влада“, велат во СДСМ..
Социјалдемократите го повикаа премиерот и неговата партија, дека наместо да промовираат веќе промовирани инвестиции и да се служат со евтин ПР, ДПМНЕ и Мицкоски треба да се соочат со реалноста и да погледнат што се случува во државата. ‘Економијата ни од далеку не расте, а животниот стандард на граѓаните го допре дното’, велат во СДСМ.
ИЗВОР: racin.mk
