Италијанецот Франческо Бањаја е победник на третата трка од сезоната во Мото ГП шампионатот која доцна синоќа зсе возеше на патеката во Остин, САД. Возачот на Дукати ја оствари 40-та победа во кариерата, а 30-та во првата класа.
Бањаја возеше со подобро темпо од претходните две трки, а во четвртиот круг изби на второто место пред Алекс Маркез, но и тогаш се чинеше дека Марк Маркез е недостижен иако практично имаа исто темпо.
Марк Маркез направи голема грешка во деветтиот круг и излета од патеката, а Бањаја во тој момент го презема водството и успеа да ја задржи првата позиција.
Второто и третото место во Остин го освоија Алекс Маркез и Фабио ди Џанантонио.
Извор: kurir.mk
