Таравари: Очекувам од 40 до 50 пациенти кои се лекуваат надвор од државата да имаат потреба за подолготрајна рехабилитација

March 26, 2025
1 min read

Министерот за здравство Арбен Таравари очекува од 40 до 50 пациенти кои се лекуваат надвор од државата, по трагичниот настан во Кочани, да имаат потреба за подолготрајна рехабилитација. Тој повтори дека има држави кои се подготвени, доколку имаме потешки случаи за рехабилитација, да ги примат овие пациенти.

„Процесот на рехабилитација на пациентите кои се лекуваат по трагичниот настан во Кочани ќе биде долг и макотрпен, меѓутоа таква е ситуацијата. Мораме да се соочиме со тоа и мораме добро да одговориме и на оваа фаза. Ги поминавме првите десет дена и барем досега резултатите се добри. До денеска нема починати, иако имаме четири пациенти во критична состојба. Сега сме во втората фаза на компликации и рехабилитации“, посочи вечерва Таравари во гостувањето на телевизија „Сител“.

Додаде дека компликации очекува да има една до две недели, а за одредени пациенти рехабилитацијата веќе е почната и може да трае од неколку недели до неколку месеци.

„За жал, генерално се работи за деца од 15 до 25 години. На нив многу им значи не само физичкото здравје, туку и естетскиот изглед, а се работи за изгореници што можат да остават лузни и кои би можеле да ги стигматизираат во општеството. Како држава ќе се обидеме максимално да бидат рехабилитирани и третирани, за што понормално да го продолжат нивниот живот“, рече Таравари.

Во однос на тоа дали се размислува за Центар за рехабилитација, Таравари рече дека од идната недела ќе се разговара поконкретно во однос на ова прашање. 

„За специјален Центар за рехабилитација никогаш не сме размислувале ниту постоел во државата, но како држава треба сериозно да размислиме дека ни треба таков центар. За две недели не можеме да го изградиме. Една опција се болниците кои имаат помала искористеност, односно имаат помалку пациенти, а друга опција се ресурсите кои не се користени – спрат во некоја болница или здравствен објект којшто помалку се користи. Меѓутоа пред се, важни ни се човечките ресурси, треба да имаме луѓе кои ќе бидат професионални“, рече Таравари. 

ИЗВОР: racin.mk

MARKETING

MARKETING

Претходно

Новинарските здруженија го испратија до Уставниот суд прашањето за затворањето на ТикТок во Албанија

Следно

ВИДЕО: Состојбата на Иван Нисов кој се лекува во Полска се подобрува – преку снимка вели дека се надева на брзо враќање во Македонија!

Latest from Blog

Анчелоти помина два ипол часа на суд

Тренерот на Реал Мадрид, Карло Анчелоти присуствуваше на почетокот на судењето за даночно затајување во Шпанија. Еден од најдобрите тренери на сите времиња е обвинет од шпанските обвинители дека ја измамил државата

ОН: „Војната на Израел против Газа им пркоси на пристојноста, човечноста и законот“

ХАМИЛТОН (АА) – Висок функционер на Обединетите нации (ОН) денес ја осуди израелската војна во Газа, нарекувајќи ја „војна без граници“ бидејќи хуманитарните работници и понатаму се цел на нападите, јавува Анадолу.

ДУИ: Потребен е суштински политички дијалог, но во пристоен политички формат

Изразуваме силна загриженост поради сѐ понагласената моноетничка доминација која Власта ја демонстрираше во првата година од своето владеење, а сега веќе на јавна сцена ја вклучува и етничката македонска опозиција во својата

Студенти од Србија тргнуваат со велосипеди кон Стразбур да го свртат вниманието на европски претставници

Осумдесет студенти и членови на академска заедница во Србија тргнуваат утре од кампусот на Универзитетот во Нови Сад до седиштето на Советот на Европа во Стразбур, во обид да го свртат вниманието
Go toTop