Нијагарините водопади ќе бидат осветлени во боите на македонското знаме во спомен на жртвите од Кочани

Нијагарините водопади и кулата Си-Ен во Торонто, ќе бидат осветлени во црвено-жолто како македонското знаме, во знак на почит кон жртвите од катастрофата во ноќниот клуб во Кочани, при што загинаа 59 лица.

Македонските активисти во Канада, предводени од Џордан Битове и Македонската дијаспора во Канада ја организираа оваа церемонија.

Нијагарините водопади ќе светнат вечерва во 21:00 часот по локално време (околу 02:00 часот по македонско време).