Во Јапонија непрекинато беснеат најголемите шумски пожари во последните децении

КАРАЧИ (АА) – Најголемите шумски пожари во Јапонија во повеќе од три децении беснеат непрекинато, додека пожарникарите поддржани од воени хеликоптери продолжуваат да се борат за нивно локализирање. Дневно горат по илјадници хектари површини, објавија денес јапонските медиуми, пренесува Анадолу.

Пожарникарите се борат со пожарите во шумското подрачје околу североисточниот град Офунато од минатата среда, јави јавниот сервис НХК.

Пожарите досега изгореа површина од околу 2.100 хектари. Во изминатите 24 часа изгорени се уште 3.000 хектари.

Поддржани од хеликоптери на Јапонските сили за самоодбрана, пожарникарите се борат со пожарите од воздух и од земја, додека чадот се шири кон станбените области.

Најмалку едно лице загина, а повеќе од 80 објекти се оштетени.

„Загрижени сме поради ширењето на пожарите. Веруваме во моќта на гаснењето пожари од воздух и од земја. Ќе се обидеме да ги изгасиме пожарите“, изјави градоначалникот на Офунато, Фучигами Кијоши.

Речиси 1.200 жители веќе се засолнети на безбедно.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.