Лавина затрупа 57 работници во Индија, 16 спасени

ЊУ ДЕЛХИ (АА) – Десетици луѓе се заробени откако лавина се случи во хималајската држава Утараханд во северна Индија, соопштија денес официјални лица, известува Анадолу.

Пушкар Синг Дам, главниот министер на Утараханд, изјави дека 57 работници на Организацијата за гранични патишта останале заробени по лавината.

„Шеснаесетмина се спасени, а спасувачките операции се во тек“, соопшти Синг Дам.

За инцидентот, Дам на социјалната платформа „X“ објави дека работниците биле „затрупани под лавината за време на градежните работи“ извршени од Организацијата за гранични патишта во близина на селото Мана, во државниот округ Чамоли.

Во северните индиски држави изминативе неколку дена паѓа дожд и снег.

Службата за метеорологија соопшти дека обилни снежни врнежи се забележани во повисоките делови на северот на Индија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.