Македонија утрово се разбуди со температури во минус и магла по котлините, но преку ден времето ќе биде сончево со мала до умерена локална облачност.
Температурите утрово се движеа од -6 до -1, додека максималните температури во текот на денот се очекува да достигнат до 4 до 11 степени, а сонцето ќе биде придружувано со слаб до умерен променлив ветер.
Во Скопје наутро ќе има услови за појава на магла, а преку ден ќе биде сончево со мала до умерена облачност. Ќе дува слаб променлив ветер. Минималната температура ќе се спушти до 0, а максималната ќе достигне до 9 степени.
Според УХМР, времето во следните денови ќе биде стабилно и суво, на повеќе места со негативни утрински температури, а дневните ќе бидат во границите на просекот за овој период од годината. Кон средината на идната недела се очекуваат локални врнежи претежно од снег.
ИЗВОР: racin.mk
