Околу 80 лица се повредени во големите нереди на навивачите по натпреварот од регионалната германска лига меѓу Карл Цајс Јена и Хеми Лајпциг, соопшти локалната полиција.
Имено, навивачите на двата клуба насилно ги отвориле портите кои ги делеле и жестоко се судриле по вчерашниот натпревар кој се одигра во Јена.
Би-Би-Си јавува дека полицијата употребила солзавец и палки за да ги раздвои навивачите, а во нередите се повредени 65 навивачи, 10 полицајци и пет лица од обезбедувањето.
Пред натпреварот, околу 350 домашни навивачи започнаа ненајавен марш низ градот, фрлајќи пиротехнички средства, по што полицијата била принудена да интервенира.
За време на натпреварот, кој се одигра пред 7.224 гледачи, двете навивачки групи користеле пиротехнички средства.
Извор: kurir.mk
