Денеска во СВР Скопје било пријавено дека на бул.„Киро Глигоров“ во Скопје, во близина на железничкиот надвозник, возило „мицубиши аутлендер“ управувано од К.В.(26) од Скопје, удрило во велосипед, управуван од Б.К.(78) од Скопје. Велосипедистот се здобил со тешки телесни повреди од кои починал на лице место.
Се преземаат сите дејствија за испитување на причините за несреќата и евентуалната одговорност. Непосредно по настанот, кај возачот не е регистрирано присуство на алкохол, меѓутоа сепак се земени примероци од крв и урина за дополнителни анализи. Издадена е наредба за обдукција на телото на починатиот, како и наредба за обезбедување на евентуални снимки од видео надзор. При увидот на лице место беше вклучен и сообраќаен вештак, а автомобилот е испратен на вонреден технички преглед.
ИЗВОР: racin.mk
