45 години Пекабеско се одбележуваат со донација на медицинска опрема за Детската клиника

December 18, 2024
1 min read

Македонскиот бренд Пекабеско годинава слави значаен јубилеј – 45 години од своето основање. Компанијата која преку успешна работа, препознатлив квалитет, инвестиции и иновации во производството, но и вистинска грижа за заедницата уште еднаш покажа дека ја заслужува лидерската позиција во производството на сувомесни производи и логистичко-дистрибутивната дејност.

„Децата се нашето најголемо богатство. Како општествено одговорна компанија, одлучивме финансиските средства во висина од 20 илјади евра наменети за прослава на 45годишниот јубилеј да ги пренамениме за набавка на медицински апарати за потребите на Детската клиника во Скопје. Би сакал да се заблагодарам за партнерството и професионалноста во овој процес на Министерството за здравство кое ги одреди приоритетните потреби со цел обезбедување поквалитетни услуги за новороденчињата и побезгрижно родителство за семејствата.“, изјави Слободан Кутревски, Прв извршен директор на Пекабеско по средбата со министерот за здравство, Арбен Таравари.

Со оваа донација, Пекабеско дава директна поддршка на активностите на ЈЗУ Универзитетска клиника за детски болести преку донирање на еден инкубатор, два бебитерми и два перфузори директно наменети за Одделот за неонаталогија и специјална неонатална интензивна нега на оваа Клиника.

Дополнително, во соработка со Општина Илинден, Пекабеско обезбеди и донација од 10 илјади евра која ќе се намени за изградба на детско игралиште во Илинден, Општината во која во 2012 година Пекабеско отвори најсовремен производствено – логистичкиот центар, а во кој компанијата последниве 13 години инвестираше сопствени 28,3 милиони евра.

Овие активности се само дел од постојана грижа за заедницата на Пекабеско покажувајќи општествена свесност, но и колку високо ја цени поддршката која ја ужива на македонскиот и извозните пазари. Оваа македонска компанија перманентно ја зајакнува и својата општествено-одговорна компонента, гради партнерства, давајќи придонес и поддршка на многубројни културни, спортски, младински и хуманистички активности.

ИЗВОР: kurir.mk

MARKETING

MARKETING

MARKETING

Претходно

Јорданов: Во интерес на граѓаните е секогаш потребно да имаме контролен механизам за она што го испорачуваме

Следно

Рускоска: Владата е колективно тело, не може Груби да одговара само затоа што ја водел седницата

Latest from Blog

Просечната цена на струјата за домаќинствата ќе се зголеми за 0,92 проценти

Просечната цена на струјата за домаќинствата од 1 јануари ќе се зголеми за 0,92 проценти, објави денеска претседателот на Регулаторната комисија за енергетика Марко Бислимоски.  Во првиот блок, како што наведе, зголемувањето

САД по 18 години ослободија двајца Малезијци од Гвантанамо

АНКАРА (АА) – Соединетите Американски Држави вратија двајца малезиски државјани во Куала Лумпур, откако ги држеа 18 години во затворот Гвантанамо, објавија локалните медиуми денес, пренесува Анадолу. Министерот за внатрешни работи Датук

Градоначалникот на Бутел, Дарко Костовски, со отчет до своите граѓани за тригодишната работа

Градоначалникот на Општина Бутел, Дарко Костовски, ги информираше жителите на својата општина за реализираните проекти во текот на тригодишниот мандат преку брошури што беа дистрибуирани низ целата општина. „2000 печатени извештаи денес

Мисајловски од годишен брифинг на одбранбени аташеи: И во 2025 година продолжуваме со инвестициите и вложувањето во одбраната

Денеска во Регионалниот центар за односи со јавноста во Касарната „Гоце Делчев“ во Скопје се одржа редовниот годишен брифинг со одбранбени аташеи на кој се обратија министерот за одбрана Владо Мисајловски, началникот
Go toTop