Нова медицинска опрема, кревети, столчиња и реновирани простории веќе се во функција на Универзитетската клиника за детски болести.
За да го видат одблиску завршувањето на 11 инфраструктурни и медицински проекти, Клиниката ја посетија премиерот Христијан Мицкоски и министерот за здравство Азир Алиу, кои беа пречекани од директорот на клиниката, Реџеп Мемеди.
„Вкупната вредност на овие проекти изнесува приближно 40 милиони денари, од кои 7,6 милиони денари се донација во медицинска опрема. Овие резултати не би биле можни без поддршката од Владата, Министерството за здравство, Фондот за здравство, одделот за педијатрија, медицинските тимови и административниот персонал“, изјави Реџеп Мемеди, директор на Универзитетската клиника за детски болести.
Министерот за здравство, Азир Алиу, увери дека ќе се работи на три здравствени столба.
„Првиот столб е инфраструктурата – директорот веќе го реализираше тоа со внатрешното реновирање. Вториот е технологијата, поврзана со услугата што ја даваат лекарите. Третиот се самите лекари – специјалисти, но и вложување во нивната едукација.“, изјави Азир Алиу.
Премиерот Мицкоски изрази задоволство бидејќи е направено многу работа за малку пари.
Клиниката за детски болести има отстрането повеќе од 40 тони отпад, стара мебел, електронска опрема и медицински инвентар кој бил надвор од употреба.
ИЗВОР: ТВ 21
