31-годишен маж со иницијали А.С. од Скопје почина од повредите здобиени при пукање попладнево во близина на Полициската станица во Бит Пазар.
Според информациите тој им подлегнал на повредите во операционата сала на Клиничкиот центар во Скопје, каде што бил итно пренесен со прострелни рани на главата, градите и други делови од телото.
Засега не е познато кој е напаѓачот, ниту пак мотивите за пукањето врз младиот човек.
Во полициското соопштение се наведува дека околу 14:00 часот било пријавено дека на улицата „Војдан Чернодрински“ во реонот на Бит Пазар имало пукање.
ИЗВОР: ТВ 21
