На средбата, покрај Зеленски и воените команданти, присуствувале и шефот на кабинетот на претседателот Андриј Јермак, шефот на военото разузнавање Кирило Буданов, украинскиот премиер Денис Шмихал и главниот секретар на Советот за национална одбрана и безбедност Олексеј Данилов
Украинскиот претседател Володимир Зеленски и неговите воени команданти одлучија да продолжат да го бранат источниот град Бахмут, кој руските сили и платениците на „Вагнер“ со месеци се обидуваат да го освојат, соопштија од кабинетот на украинскиот претседател.
„На средбата детално се разговараше за ситуацијата во Бахмут. Учесниците се договорија да продолжат со одбранбените операции и дополнително зајакнување на нашите позиции во Бахмут“,
се вели во соопштението.
На средбата, покрај Зеленски и воените команданти, присуствувале и шефот на кабинетот на претседателот Андриј Јермак, шефот на военото разузнавање Кирило Буданов, украинскиот премиер Денис Шмихал и главниот секретар на Советот за национална одбрана и безбедност Олексеј Данилов.
Руските сили напредуваат во обидите да го освојат Бахмут. Денеска има информации за жестоки борби во и околу градот.
Извор: 360stepeni.mk
