ПСЖ ќе биде ослабен за дуелот со Барселона во Лигата на шампионите, откако Нуно Мендеш заработи повреда на левиот бутен мускул и ќе отсуствува во наредните неколку недели.
Португалскиот лев бек се повреди во саботната победа на ПСЖ од 3:1 против Стразбур. Мендеш влезе во игра во 53-тата минута, но мораше да го напушти теренот пред крајот на натпреварот.
Првичните информации беа охрабрувачки, но медицинските прегледи покажале дека станува збор за мускулна повреда, објавија француските медиуми. Клубот официјално потврди дека дефанзивецот ќе биде надвор од терените во наредните недели.
Неговото отсуство е сериозен удар за ПСЖ пред дуелот со Барселона, закажан за вторник од 21 часот на „Паркот на принцовите“.
Извор: sportmanija.mk
