Заврши увидот во училиштето во Белград, телата на убиените деца и чуварот се подигнати од местото

Сегашни и поранешни вработени и ученици во ова школо доаѓаат да запалат свеќа и да положат цвеќе

Заврши увидот во Основното училиште „Владислав Рибникар“ во белградската општина Врачар, каде што утрово ученик уби осум деца и чувар.

По околу од седум часа увид, како што јавува РТС, полицијата го напуштила местото на настанот и сообраќајот околу училиштето е пуштен.

Неколку полицајци се останати на влезот на училиштето, а сегашни и поранешни вработени и ученици во ова школо доаѓаат да запалат свеќа и да положат цвеќе.

Отстранети се и заштитните ленти, а училиштето го напуштиле и форензичките екипи на српското МВР.

Од Јавното комунално претпријатие за погребни услуги, пренесува РТС, со две возила ги подигнале телата на жртвите.

Во меѓувреме, од Институтот за ментално здравје во Србија е оформен тим кој ќе им дава поддршка на семејствата и од утре, како што најавија, секојдневно ќе им биде на располагање.

*Други поврзани вести:

• Видов како чуварот паѓа на под, почнав да трчам – исповед на девојче што било сведок на пукањето во училиштето во Белград

• (ВИДЕО) Мајка на ученичка по масакрот во Белград: Моето дете е уште во шок, под адреналин, не можеме да го смириме
• Видов како чуварот паѓа на под, почнав да трчам – исповед на девојче што било сведок на пукањето во училиштето во Белград
• (ВИДЕО) Во пукањето во училиште во Белград убиени осум деца и чуварот – насобраните родители не можат да дојдат до децата
• (ФОТО+ВИДЕО) Со црна јакна на главата, полицијата го спроведе ученикот што пукаше во школо во Белград
• Познат идентитетот на убиецот од Врачар: Коста Кецмановиќ, кој уби најмалку шест соученици, учествувал на многу училишни натпревари
• Шестмина починати во пукањето во училиштето во Белград, учениците во шок: Сите почнаа да викаат, настана паника
• Малолетник влегол во училиште во Белград и почнал да пука, има починати и повредени