Напаѓачот на Милан, Златан Ибрахимовиќ нема да се врати на терените оваа сезона, откако медицинските прегледи утврдија дека повредата на потколеницата која неодамна ја заработи е од посериозна природа.
Со оглед на тоа дека Швеѓанецот има 41 година, прашање е дали повторно ќе може да се врати на терените.
Неодамна на загревањето на натпреварот помеѓу Милан и Лече, Ибра почувствува болка во потколеницата, а по прегледите пристигнаа лоши вести кои наговестуваат дека сезоната за него е завршена.
Според последните информации од Италија, повредата е од посериозна природа и сосема е извесно дека нема да може да игра до крајот на сезоната, а тамошните медиуми се сомневаат дека ова е крај на една голема кариера.
– Златан Ибрахимовиќ е целосно „уништен“ по новата повреда која може да ја заврши неговата сезона. Што после? Се плаши да ја заврши кариерата и би сакал да продолжи да игра. Но, Милан не закажал разговори со него и ќе бара помлад напаѓач – пишува „Гаѕета дело Спорт“.
ИЗВОР: kurir.mk
