Вучиќ најави формирање на Народно движење за државата

1 min read

Сè уште не се знае правниот статус на идното движење – дали ќе биде неформална организација или ќе учествува на избори. Вучиќ тврди дека движењето ќе го задржи својот непартиски карактер и дека неговото формирање нема да значи укинување на Српската напредна партија

Претседателот на Србија и лидер на Српската напредна партија (СНС), Александар Вучиќ, денеска од собир во Врање најави дека на крајот на мај или почетокот на јуни ќе се формира Народно движење за државатa и ги повика сите граѓани да се приклучат кон движењето.

„Во следните два месеци ќе работиме на организациската форма заедно со многу луѓе. Ве молам, кога ќе се формира на крајот на мај или на почетокот на јуни, да размислите и да се приклучите на тоа големо Народно движење за државата“,

порача српскиот претседател од собирот во Врање.

Сè уште не се знае правниот статус на идното движење – дали ќе биде неформална организација или ќе учествува на избори. Вучиќ тврди дека движењето ќе го задржи својот непартиски карактер и дека неговото формирање нема да значи укинување на Српската напредна партија.

„Во моменти кога ситуацијата во светот е ваква, треба да ги собереме сите оние луѓе кои се и не се во партии, да се обединиме сите за да бидеме подготвени да се соочиме со сè што се случува околу нас“,

рече Вучиќ.

Српскиот претседател кажа дека движењето ќе биде отворено за сите – од политички организации до интелектуалци, но и непартиски личности и работници.

Нагласи дека Србија има обврска да се заштити себеси и своите национални интереси, а подеднакво да ги заштити мирот и стабилноста.

Извор: 360stepeni.mk

Претходно

Летното сметање на времето ни доаѓа многу наскоро: Часовникот оди напред еден час

Следно

Фото: Неодговорните сопственици дел од проблемот со бездомните кучиња, „Лајка“ со шест заловувачи на терен

Latest from Blog