„Ворнер брос.“ донира милион долари за погодените од земјотресот во Туркије

ИСТАНБУЛ (АА) – „Ворнер брос. Дискавери“ донира еден милион американски долари за жртвите од земјотресот во Туркије и Сирија, јавува Анадолу.

„По овој болен настан што го доживеавме, ги променивме нашите преноси на TLC и DMAX за да ги добиваме најновите вести од подрачјето на катастрофата и да ги споделиме со вас“, напишаа од компанијата на социјалната мрежа Инстаграм.

Наведено е дека е исплатена донација од еден милион долари на локални и светски хуманитарни организации.

Два разорни земјотреси со јачина од 7,7 и 7,6 степени според Рихтеровата скала ги погодија јужните делови на Туркије на 6 февруари со епицентар во Кахраманмараш.

Бројот на загинатите во земјотресите во Туркије се зголеми на 35.418, а во соседна Сирија на 3.688.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..