Во торнадото во САД загинаа најмалку седум лица

Десетици илјади лица останаа без струја во делови од Џорџија, Мисисипи и Алабама

Најмалку седум лица загинаа, а 12 се повредени во САД како последица на торнадо. Шест жртви има во округот Отога во централниот дел на американската сојузна држава Алабама, а еден загинал во државата Џорџија.

Невремето оштети домови и остави десетици илјади лица без струја во делови од Џорџија, Мисисипи и Алабама.

Моќното торнадо оштети меѓу 40 и 50 станбени згради. Особено тешко погоден е градот Селма.

Националната метеоролошка служба издаде предупредување за торнадо и за неколку окрузи северно од главниот град на Алабама, Монтгомери.