Дрогата, чија вредност е проценета на најмалку 20 милиони долари, била запленета во најголемиот залив во Перу, Ел Калао, во близина на главниот град Лима, а крајната дестинација била Турција. Полицијата објави дека ова е првиот евидентиран случај во кој дрогата од Перуанскиот залив требало да пристигне во Турција
Перуанските власти соопштија дека заплениле 2,3 тони кокаин кој бил спакуван така, за да изгледа како стотици керамички плочки. Дрогата, чија вредност е проценета на најмалку 20 милиони долари, била запленета во најголемиот залив во Перу, Ел Калао, во близина на главниот град Лима.
Крајната дестинација на пратката била Турција.
На прес-конференција во понеделникот, полицијата го покажа кокаинот, кој налик на керамички плочки бил спакуван во дрвени кутии за транспорт.
Peru police seize $20 mln of cocaine headed for Turkey https://t.co/E7EKuwfoLg pic.twitter.com/UNIJlSwkUZ
— Reuters (@Reuters) March 28, 2023
Претставник на полицијата објави дека ова е првиот евидентиран случај во кој дрогата од Перуанскиот залив требало да пристигне во Турција.
„Вообичаено, внимаваме на пратките што одат со брод во Белгија, Холандија, Шпанија и Франција“,
изјави претставник на полицијата.
Според Обединетите нации, Перу и Колумбија се меѓу водечките светски производители на кокаин и на листот кока од кој се прави оваа дрога. Според перуанските власти, посевите со листови кока во Перу се зголемени речиси шесткратно за две години.
Извор: 360stepeni.mk
