РАМАЛА (АА) – Повеќе од 3.000 ученици се убиени во израелските напади врз Појасот Газа од 7 октомври, објави денес палестинското Министерство за образование, пренесува Анадолу.
„Во израелските напади загинаа повеќе од 5.000 деца, вклучително и повеќе од 3.000 ученици“, се вели во соопштението на Министерството за Светскиот ден на детето.
Се додава дека најмалку 23 ученици биле убиени и на окупираниот Западен Брег.
Министерството ги повика сите организации за правата на децата „да преземат одговорност за спротивставување на израелските прекршувања на правата и ставање крај на нивните злосторства“.
„Сцените на убиените деца и ученици во Појасот Газа ги прекршуваат сите меѓународни норми“, соопшти Министерството, додавајќи дека тоа „го открива менталитетот на окупацијата и нејзиното континуирано нишанење на образовните институции“.
Најмалку 13.000 Палестинци загинаа, меѓу кои 9.000 жени и деца, а повеќе од 30.000 луѓе се повредени откако Израел почна да го бомбардира Појасот Газа по нападот на Хамас на 7 октомври.
Илјадници згради, вклучително болници, џамии и цркви, се оштетени или уништени во немилосрдните израелски воздушни и копнени напади врз опколената енклава.
Според официјалните податоци, бројот на загинати во Израел изнесува околу 1.200.
